Zbardhet urdhri mbrojtjes i lëshuar nga Gjykata e Fierit për 43-vjeçaren Liljana Rukaj që humbi jetën pak ditë më parë, pasi bashkëshorti e hodhi nga dritarja e katit të katërt të banesës së saj. Një ditë më parë, ministri i Drejtësisë Ylli Manjani deklaroi se do të nisë një hetim administrativ për çështjen dhe gjyqtarin që ka lëshuar urdhrin e mbrojtjes ndaj gruas edhe pse burri dhunues, qëndronte në shtëpi bashkë me të, në kundërshtim me urdhrin në fjalë.
Gjykatësi i Fierit, Ergys Selmani e ka lëshuar urdhrin e mbrojtjes ndaj 43-vjeçares në datën 25.11. 2016. I kontaktuar nga ‘Report TV’, kryetari i Gjykatës së Fierit, Roland Jaupaj tha se ishte njohur me deklaratat e ministrit Manjani vetëm nëpërmjet mediave dhe nuk ka asgjë komunikim zyrtar lidhur me këtë çështje. Jaupaj theksoi se gjykata i referohet vetem shkresave zyrtare.
ma.me
