Presidenti i Turqisë, Recep Tayyp Erdogan, ka mbërritur në kryeqytetin e Greqisë, Athinë, ku po zhvillon një vizitë zyrtare. Kjo është vizita e parë zyrtare e një Presidenti turk në Greqi pas 62 vitesh. Erdogana është ftuar nga homologu i tij grek Prokopis Pavlopoulos, të cilin do ta takojë rreth orës 12, pasi të vendosë një kurorë me lule në monumentin e “Ushtarit të panjohur” para Parlamentit grek.
Më pas, rreth orës 13:30 ai do të takohet me kryeministrin Tsipras, me të cilin do të mbajnë edhe një konferencë të përbashkët shtypi pak para orës 15. “Kjo vizitë është një mundësi për të bërë hapa përpara në miqësinë midis dy vendeve”, ka deklaruar kryeministri Tsipras. Programi i presidentit turk përmban edhe takimin me udhëheqësin e opozitës, Mitsotakis, si dhe një darkë zyrtare mbrëmjen e së enjtes nga homologu i tij grek Pavlopoulos. Të premten, Erdogan viziton krahinën verilindore të Trakës, ku jeton pakica myslimane në Greqi.
Përveç mbrojtjes me 200 truproja, policia greke gjithashtu do të vendosë 2800 oficerë për të marrë pjesë në një operacion të sigurisë së nivelit presidencial të SHBA-së për të mbrojtur Erdoganin. 
Dy avionë F-16 shoqëruan turkun gjatë udhëtimit të tij në Greqi.
“Ne po marrim çdo masë të nevojshme,” thë për The Guardian, ministri i rendit publik grek, Nikos Toskas. “Siguria do të jetë e një niveli të ngjashëm me atë të vizitës së Barck Obamës, çdo detaj është planifikuar”.
vijon
