Zona e Tiranës së Re, përveç se një territor me një dendësi të madhe të popullsisë që shtohet dita ditës, është edhe një pjesë e rëndësishme e zhvillimit të biznesit dhe e zhvillimit turistik të kryeqytetit.
Ndaj për këtë arsye Bashkia e Tiranës nëpërmjet UKT-së ka ndërmarrë prej kohësh një plan investimesh për të modernizuar dhe rritur infrastrukturën e furnizimit me ujë dhe të kanalizimeve në këtë zonë për tiu përgjigjur nevojave dhe ritmeve të zhvillimit të zonës.
Në këtë kuadër është edhe investimi që po kryhet për ndërtimin e linjës së re të ujësjellësit në këtë zonë, çka do të risë ndjeshëm cilësinë e shërbimit ndaj qytetarëve dhe bizneseve.
Fotot janë marrë pikërisht nga puna që po kryejnë ekipet e UKT-së në rrugën “Sami Frashri”, pranë sheshit “Willson”, ku gjithashtu po shtrihet një linjë e re ujësjellësi, e cila po ndërtohet sipas standardeve më bashkëkohore europiane.
