Tifozët dhunojnë ish-drejtorin e klubit të Luftëtarit, e fajësojnë për situatën kaotike

Pezullimi i trajnerit Julian Ahmataj, zëvendëstrajnerit Neritan Novi si dhe i dy lojtarëve, Albano Aleksit dhe Xhekson Ferreiras, ka bërë që të shpërthejnë tifozët e Luftëtarit, të cilët kanë vënë nën akuzë ish-drejtorin Vangjel Çavo për situatën e krijuar së fundmi në ekip.

Sipas asaj çka raporton “Panorama Sport”, drejtori Çavo është dhunuar nga disa tifozë, të cilët që një ditë më parë kishin paralajmëruar reagimin e tyre. Ata akuzojnë pikërisht ish-drejtorin për përçarjen e krijuar dhe ish-zëdhënesin për shtyp, Rigels Malilen.

Pavarësisht se Çavo nuk ishte më drejtor, ai vijonte të qëndronte pranë presidentit Grigor Tavo, ndërsa ka sjellë disa elementë në radhët e ekipit bluzi, kryesisht nga tregu grek./ i.h

S'KA KOMENTE

PËRGJIGJU