Deputeti i Partisë Demokratike, Luçiano Boçi, ka reaguar vetëm pak minuta pas “furtunës” në Policinë e Elbasanit. Duke e quajtur këtë vendim të Drejtorit të Përgjithshëm, Haki Çako, një gallatë të madhe, Boçi shkruan në “Facebook” se nuk po merret vesh pse u shkarkuan, pse vepruan gabimisht apo pse nuk vepruan gabimisht.
Përmes ironisë, deputeti sjell në vëmendje një fjalë të urtë për këtë që i ka ngjarë policisë “Hall me burrë e hall pa burrë, hall mos martohesh kurrë”.
“Gallatë e madhe me policinë e Elbasanit. Nuk po merret vesh i shkarkuan pse vepruan gabimisht apo pse nuk vepruan gabimisht!??? Hajde ta gjesh gabimin. Në Elbasan ka nje fjalë të urtë për këtë që i ka ngjarë policisë: “Hall me burrë e hall pa burrë, hall mos martohesh kurrë””, shkruan deputeti.
ma.me
