Kryeministri Edi Rama përcolli mëngjesin e sotëm fjalët e shenjta të Kuranit, në një mesazh solidariteti pas tërmetit të fuqishëm që goditi vendin më 26 nëntor, ndërsa Shqipëria ndodhet në fazën e rindërtimit.
“Çdo kohë është e humbur përveç kohës kur mbjell mirësi, t’i shërbesh popullit tënd është mirësia më e madhe!”, citon kryeministri Rama fjalët e Kuranit.
Pas tërmetit të 26 nëntorit, po vijon verifikimi i dëmeve në objekte, ndërsa të pastrehët që la pas tërmeti janë sistemuar në struktura hoteliere, banesa me qira apo në çadra pranë vendbanimit në zonat rurale.
Tashmë, pas përfundimit të verifikimit të dëmeve, pritet të dalë edhe një faturë e plotë financiare për Rindërtimin.
/a.r
