Kryeministri Rama tashmë duket se po e kthen në traditë edhe rubrikën e mëgjesin, ku çdo ditë poston fotografi të ndryshme me një domethënie të veçantë. Sigurisht sot nuk kishte si të ndodhte ndryshe, ku në qendër të kësaj rubrike Rama vendosi ndeshjen Itali- Shqipëri, kryefjala e ditës së sotme. Ai ka zgjedhur fotografinë ku futbollistët e kombëtares u kthyen nga Kampionati Europian, ku pavarësisht se nuk mundën të kalonin grupin, ka qenë një arritje shumë e madhe në futbollin shqiptarë.
“Mirëmëngjesi. Dhe ju uroj një ditë të mbarë me këtë imazh të paharrueshem festiv të kuqezinjve. Qoftë kjo e sotmja një ditë krenarie për Kombëtaren tonë, cilidoqoftë rezultati“, shkruan Rama në postimin e tij në Facebook.
Përballja Itali- Shqipëri do të luhet mbrëmjen e sotme në stadiumin “Renzo Barbera”, ndeshje kjo e vlefshme për eliminatoret e botërorit Rusi 2018.
ma.me
