Ngritja e një muri të madh në kufirin mes SHBA-ve dhe Meksikës, deportimi i milionave muslimanëve nga Amerika apo moslejimi i eksportit të vendeve të punës.
Donald Trump mori jo pak mbështetje nga këto deklarata që më pas u kthyen në premtimet e tij elektorale, por mesa duket një pjesë e emrave të kabinetit që ai ka zgjedhur janë kundër këtyre ideve. 
Më konkretisht, Rex Tillerson, zgjedhja e Trump për drejtimin e Departamentit të Shtetit doli haptas kundër prishjes së Partnershipit Trans-Pacifik, kur puna vjen tek lëvizja e lirë e forcës së punës. Trump i ka premtuar miliona amerikanëve se vendet e tyre të punës nuk do t’i shkojnë më Kinës apo shteteve të tjera, por ndryshe mendon Tillerson i cili është shprehur se nuk është kundër këtij pakti… ashtu siç është Trump.
Gjenerali i dorëhequr John Kelly, zgjedhja e Trump për kreun e Departamentit të Sigurisë së vendit ka dalë kundër njërit prej premtimeve më bombastike të Presidentit të ardhshëm amerikan, atë të ngritjes së murit të madh mes SHBA-ve dhe Meksikës.
Ish Gjenerali është shprehur gjatë seancës dëgjimore që ka patur në Senat, se një “barrierë fizike nuk do të bëjë punën” pasi sipas tij mbrojtja nga emigrantët duhet të jetë e shtresëzuar dhe e bërë në bashkëpunim me shtetet fqinje.
Po ashtu gjenerali ka dalë hapur kundër teknikave të torturës siç është ajo e torturimit me ujë dhe leckë në fytyrë (ëaterboarding), një temë të cilën Trump e ka ngritur disa herë duke thënë se do ta ligjëronte si teknikë në SHBA kundër kriminelëve dhe terroristëve.
Së fundmi, por jo nga rëndësia, kandidati kryesor për Departamentin e Drejtësisë, senatori Jeff Sessions nuk është pro idesë së largimit të muslimanëve apo sjelljes ë tyre në SHBA. Sessions ka refuzuar atë që të gjithë e njohin tashmë si “Muslim Ban” duke deklaruar:
“Unë nuk besoj dhe nuk mbështes idenë se muslimanët si një grup fetar, duhet t’u mohoet e drejta e qëndrimit në SHBA. Ne kemi respect të madh për këta qytetarë dhe kontributete e tyre.” Burimi: CNN/java/a.k
