Është hedhur të mërkurën në Lozanë të Zvicrës shorti për kompeticionin më të ri të organizuar nga UEFA, Ligën e Kombeve, e cila do të zëvendësojë në pjesën më të madhe ndeshjet miqësore të përfaqësueseve me qëllim për të sjellë përballë konkurueshmëri më të lartë sportive.
55 skuadrat kombëtare evropiane u ndanë në 4 liga, me Shqipërinë e renditur në Ligën C, ligë e cila është e ndarë në 4 grupe.
Shqipëria do të përballet në grupin C 1 së bashku me Skocinë dhe Izraelin.
Ndërkohë në grupi D3, Kosova do të përballet me Maltën, Ishujt Faroe dhe Azerbaijxhanin.
Ndeshjet e grupit do të zhvillohen me sistem vajtje ardhje duke filluar nga muaji Shtator i vitit 2018.
Ekipet fituese të katër grupeve në secilën Ligë kualifikohen për në “katërshen finale” në qershor 2019.
Do të luhen gjithashtu edhe dy gjysmëfinale dhe një ndeshje finale ku do të ketë edhe fitues të Ligës. Liga e Kombeve do të jetë edhe një mundësi e kombëtareve për tu kualifikuar për në kampionatin europian të 2020
a.ç
