Kush janë ata që duan të ruajnë monopolin e laboratorit në Shqipëri ?

Dhjetëra teknikë laboratorësh të spitaleve publike protestuan pak ditë më parë përpara institucioneve shëndetësore për të kundërshtuar bashkëpunimin ndërmjet sektorit privat dhe atij publik nëpërmjet Partneritetit Publik Privat.

E ndërsa këta laborantë zgjodhën rrugën e protestës për të kundërshtar këtë formë bashkëpunimi, asnjë prej mjekëve apo drejtuesve të këtij shërbimi nuk doli në mbështetje të tyre. Atëherë këtu lindin shumë pyetje, përse këta teknikë laboratorësh nuk mbështeten nga drejtuesit e tyre? Ku ishin këta drejtues ? Mos vallë ata po përdoren nga shefat e shërbimit të cilët kanë interesa edhe më të mëdha?

Por të gjitha këto  pikëpyetje e kanë një përgjigje. Shefat e shërbimeve të cilët sot kundërshtojnë bashkëpunimin ndërmjet sektorit publik privat, janë ata të cilët prej vitesh ose janë drejtues teknikë të laboratorëve privatë, ose pronarë të klinikave private. Por nuk përfundon me kaq pasi këta drejtues të Shërbimeve Laboratorike në QSUT përveç kësaj detyre që iu është deleguar janë njëkohësisht edhe mjekë të këtyre laboratorëve, edhe Pedagogë të Universitetit të Mjekësisë. 

Mos vallë e gjithë kjo zhurmë që po krijohet sot nga teknikët e laboratorit kanë si orkestër këta shefa shërbimesh të cilët deri më sot kanë krijuar monopolet e tyre sipas specialiteteve ku edhe ata punojnë. 

Këta mjekë e dinë shumë mirë që sot në poliklinikat e specialiteteve në kryeqytet një pacient duhet të presë deri në 3 muaj radhë për të kryer analizat rutinë të diabetit, dhe kjo për vetë faktin se kapacitetet e këtyre laboratorëve nuk mund tëpërballojnë një fluks të madh analizash, aspo në shumë raste nuk mund të kryhen të gjitha llojet e tyre për mungesë të infrastrukturës. 

Këta mjekë me grada prof. Dr. a e dinë që shumë pacientë për të kryer një biopsi duhet ti drejtohen spitaleve private pasi nëshumë raste ato nuk realizohen në QSUT. Po për analizat e teroideve të cilat janë tepër specifike, a e dinë këta mjekë radhën që përballen pacientët për ta kryer ekzaminimin në njëlaborator shtetëror, ndërkohë që për FT3 dhe FT4 pacientët duhet të bëjnë gati paratë nga buxheti familjar dhe tëpërballojnë shpenzimet. 

Po e njëjta situatë është edhe për pacientët të cilët kanë problem të hemorragjisë cerebrale të cilët në çdo moment duhet të dinë nivelet e gjakut dhe më pas të përdorin medikamentet. Në rastet kur këto analiza nuk kryhen në kohën e duhur apo në cilësinë e duhur, mjekimi apo mosjekimi mund të jetë fatal për pacientin. 

Po këta mjekë që kundërshtojnë sot bashkëpunimin mes Publikut dhe Privatit pse nuk japin një përgjigje për radhët e pafundme të  pacientëve që duan të kryejnë analiza nëkryeqytet pranë ambienteve të QSU, por në shumë raste, dëtimi apo mosfunkionimi i aparaturave i penalizon ata. 

Ndaj të nderuar Zonja dhe Zotërinj me Bluza të Bardha, hiqni dorë nga përfitimet tuaja personale dhe ktheni një herë sytetek qytetarët dhe pacientët. Ata kanë nevojë për mbështetje dhe një shërbim shëndetësor sa më të mire dhe pa pagesë. Mbështeteni këtë reformë në të mirë të tyre dhe jo pasurimit të xhepave tuaj.