Frika nga vettingu ka bërë që Lulzim Basha dhe Sali Berisha, të jenë në luftë me të gjithë prej kohësh. Ata kanë nxjerrë PD-në në protestë prej dy muajsh, me justifikimin se duan zgjedhje të lira, pasi do ua vjedhë Edi Rama. Por, vetting-ut nuk i tremben vetëm ata, por edhe familjarët e tyre.
Gazeta TemA mëson se një prej tyre është edhe vëllai i kreut të Partisë Demokratike.
Vëllai i Lulzim Bashës, Erlind Basha, ka punuar si ndihmës ligjor në Gjykatën e Lartë dhe, përpara pak javësh, ka dhënë dorëheqjen, pikërisht për të mos kaluar nëpër procesin e vetting-ut. Dorëheqja është dhënë ekzaktësisht për këtë, se edhe është paguar e vijon të paguhet në bazë të ligjit te vetting-ut për ata gjyqtarë e këshilltarë që vetëlargohen nga sistemi. Presidenti Bujar Nishani ndërkohë, është kujdesur ta mbajë të fshehtë këtë gjë dhe emri i vëllait të Lulzim Bashës nuk është shfaqur në listën përkatëse që gjendet në website e Presidencës. /ma.me
