Studiuesit e alienëve janë të bindur se një objekt misterioz që shihet në Google Earth, është një anije kozmike e rrëzuar.
Objekti i paidentifikuar u zbulua në afërsi të Antarktidës, në ishullin e largët South Georgia të Oqeanit Atlantik, ku jetojnë vetëm 20 njerëz.
Prapa objektit janë vënë re gjurmë të çuditshme, duke lënë të kuptohet se objekti ka rrëshqitur në borë për një farë distance para së të ndalojë.
Videoja e objektit misterioz e publikuar në YouTube ditën e shtunë, është parë më shumë se 150,000 herë.
Ndërsa disa besojnë se kjo ka të bëjë me jashtëtokësorët, shumë thonë se është thjesht një shkëmb i shtyrë nga një akullnajë aty pranë.
Megjithë misterin që mbart ky objekt, shumë nga komentuesit në YouTube nuk e kanë marrë atë seriozisht. “Është slita e Babagjyshit”, tha njëri. “Është vendi ku është rrëzuar Supermeni”, shkruajti një tjetër./a.ç
