Pas dhunës, mbrëmë shefit të kufirit të stacionit të Triportit, Sadi Ceka i kanë djegur makinën. Makina tip “Skoda” me targa AA 391 HY e Cekës është djegur qëllimisht sipas policisë gjatë natës. Makina ishte e parkuar para banesës së Cekës, i cili sapo ka parë zjarrin ka lajmëruar policinë e cila ka nisur hetimet për autorët e ngjarjes.
Para tre netësh Sadi Cekës iu bë pritë para pallatit dhe u dhunua nga tre persona të maskuar, të cilët ende nuk janë identifikuar nga policia. Shefi i Stacionit të Pikës Kufitare Triport Sadi Ceka ka mohuar në dëshminë e tij para policisë se ka pasur konflikte, ndërsa hetimet janë shtrirë në disa pista.
