Netët në Tiranë duket se janë ana më e bukur e kryeqytetit, i cili tenton që në rrugicat e tij të harrojë mërzinë e ditës jo vetëm për shkak të të nxehtit. Javanews ka ndjekur një mbrëmje jazz-i të organizuar nga Hemingway Tirana, në kuadër të javës së jazz-it në kryeqytet, dhe ka mundur të fiksojë disa momente të veçanta, ku jo vetëm personazhe të njohur publik si Ema Ndrea, Mariza Ikonomi, por dhe mjaft gazetare, kanë dalë jashtë kornizave të ditës, duke ndriçuar plot ngjyra mbrëmjet në Tiranë. Shijoni një set fotografik të realizuar për javanews nga fotografi dhe gazetari Armando Meta të netëve të pazakonta në Tiranë.
