Ka përfunduar sezoni në Holandë, ku kampion u shpall në xhiron e fundit Feyenoordi, që mundi 3:1 skuadrën e Heracles, për të fituar titullin pas 18 vjetësh. Hera e fundit kur kishin triumfuar ishte sezoni i largët, 1998/99.
Pjesë e këtij kampionati me emocione, spektakël dhe gola të shumta ishin edhe shqiptarët, në mesin e tyre edhe ylli i Kosovës, Milot Rashica.
Rashica tregoi edhe këtë edicion se është lojtar me të ardhme të ndritur, për çka edhe ka zgjuar interesimin e disa skuadrave angleze e gjermane.
Ai e mbylli sezonin me Vitessen me 38 paraqitje në gjitha garat, ku ka shënuar katër gola teksa ka dhuruar 13 asiste, i cili ndihmoi Vitessen të fitojë 3:0 ndaj Roda JC Kerkrade në sfidën e fundit të sezonit, shkruan Gazeta Express.
Teksa ka fituar edhe një trofe, që e ka festuar me flamurin e Kosovës dhe Shqipërisë. Ai gjatë ditës ka postuar një tjetër foto, duke treguar kështu se është krenar me prejardhjen e tij./a.ç
