Ministri për Europën dhe Punët e Jashtem, Ditmir Bushati mëngjesin e sotëm ka zhvilluar një takim me banorët e fshatit Derviçan. Kjo është hera e parë në 27- vite që një ministër i Punëve të Jashtme shkon në këtë fshat minoritar grek.
Gjithashtu në Derviçan së bashku me minsitrin Bushati ka qenë edhe ministrja e Kulturës, Mirela Kumbaro. Gjatë këtij takimi Bushati ka prezantuar me banorët zv.ministren e minoritetve dhe ligjin për mbrojtjen e minoriteteve.
Duke iu përgjigjur interesit të dropullitëve në takimin e zhvilluar ditën e sotme në Dervician, ministrja e Kulturës, Mirela Kumbaro njëherësh edhe deputetja e qarkut të Gjirokastrës tha se kufijtë ekzistojnë vetëm në kokat e disa individëve që duan të bëjnë biznes politik.
“Si ministre e Kulturës dua të them se fusha që unë mbuloj, kultura është dëshmitari më i mirë i një hapësire pa kufij. Ndaj dua të them se nëse ekzistojnë kufij, ata ekzistojnë në kokat e disa njerëzve. Prandaj ne jemi këtu për të folur me njëri-tjetrin dhe për t’o thyer këta kufij me punë dhe komunikim”, tha ministrja Kumbaro në takimin që u zhvillua si pjesë e vizitës në qark së bashku me Ministrin e Punëve të Jashtme dhe Europës Ditmir Bushati si dhe zv.ministres Artemis Dralo.
Më tej Kumbaro u ndal tek investimet që qeveria po kryen dhe që do të vijoj në Dropull me qëllim zhvillimin e integruar të kësaj zone.
“Dropulli është pjesë e një programi të madh siç është rilindja rurale, si një zonë me potencial të madh zhvillimi ekonomik dhe turistik”, vijoi më tej Kumbaro duke theksuar se Dropulli meriton investime që kanë perspektivë europiane
