Pas ambasadës së SHBA, edhe BE shpreh solidaritet me 4 gazetarët Elton Qyno dhe Adriatik Droçi të Shqiptarja.com, si dhe Besar Likmetaj e Aleksandra Bogdani, të cilët janë paditur nga gjyqtari Gjin Gjoni. Përmes një deklarate delegacioni i BE ve në dukje padinë e ngritur nga anëtari i Këshillit të Lartë të Drejtësisë, ndërsa mbështet punën investigative të gazetarëve.
(Deklarata e Delegacionit të BE në Twitter)
“Janë paditur katër gazetarë dhe dy media në Shqipëri për punën e tyre investigative. Delegacioni i BE mbështet profesionalizimin dhe gazetarinë e bazuar në fakte”, thuhet në deklaratën e Delegeacionit të BE në Tiranë.
Një ditë më parë ishte ambasadori amerikan, Donald Lu, i cili ftoi në një takim katër gazetarët e paditur Elton Qyno dhe Adriatik Droçi të Shqiptarja.com si dhe Besar Likmetaj e Aleksandra Bogdani të rrjetit investigativ BIRN.
