Duket se turizmi veror, ai i natyrës dhe i detit, po ia le vendin turizmit të bardhë, atij të aventurierëve të deborës dhe lartësive.
Lartësitë e Thethit sot u gëdhinë të zbardhura nga debora e parë vjeshtore.
Një apel është për strukturat administrative të rrugëve, që të çojnë në lartësitë e Luginës së Thethit, ku dhe vizitorët janë më të shumtë në periudhën e dimrit e ku debora i jep një tjetër kolor peisazhit të lartësive.
Janë rreth 12km rrugë e pamirembajtur dhe tepër e vështirë për t’u kaluar gjatë dimrit, që nis prej Qafëthores deri në qëndër të fshatit Theth. Kjo rrugë bëhet pengesë jo vetëm për turizmin, por edhe për ekonominë e zonës së luginës, sepse bllokon komunikimin me qytetin e Shkodrës dhe të zonave përreth ku zhvillohet biznesi. Debora e parë ra, një tjetër sezon turistik nisi. /b.d
