Ndërsa policia është vënë në ndjekje të njeriut më të kërkuar në Shqipëri, zbulohet për herë të parë një lidhje të hershme me dokumente midis kreut të PD-së, Lulzim Basha dhe Klement Balilit, kreun e një rrjeti kriminal ndërkombëtar, me bazë në Shqipëri.
Në qershor 2010, në kohën kur Lulzim Basha ishte ministër i Brendshëm, ai urdhëroi që ish-kampi i punëtorëve dhe pionerëve në Sarandë t’i hiqej nga pronësia sindikatës, për t’iu dhuruar Balilit, citon Lexo.al.
Dokumentat tregojnë se në mbledhjen e Këshillit të Ministrave të datës 2 qershor 2010 u miratua inventari i 145 pronave të sindikatave, të cilat u shtetëzuan për t’u shpërndanë më pas nga qeveria e mëparshme në mënyrë klienteliste. Ky inventarizim ishte urdhëruar nga ministri i Brendshëm Basha, në 1 shkurt të atij viti, me urdhërin numër 27.
Në bazë të programit të punës të hartuar sipas Urdhërit nr.27. datë 1.02.2010 të Ministrit të Brendshëm, Lulzim Basha u krye inventarizimi i pasurive të sindikatave në Republikën e Shqipërisë, duke u hapur rrugë shtetëzimit të të gjithë këtyre pronave.
Ish-kampet e punëtorëve iu kaluan sindikatave me vendim të qeverisë në vitin 1992, por në 2010-n, ato u bënë pjesë e një prej aferave më të mëdha të qeverisë së mëparshme, që shtetëzoi këto prona për interes të saj, pa dëmshpërblim, për t’i rishpërndarë pastaj për miqtë ose ofertuesin më të mirë. Ekstrakti i mëposhtëm është pjesë nga ai dokument, me firmën të Lulzim Bashës, që i hapi rrugën e kalimit të ish-kampit të punëtorëve në pronësi të Balilit. shqiptarja.com
ma.me
