Aleksandër Murataj, një prej anëtarëve të bandës së akuzuar për grabitjen e dy blindeve me para në Qafë – Kashar do të vazhdojë të qëndrojë në burg.
Gjykata për Krimet e Rënda ka refuzuar këtë të premte kërkesën e tij për lirim nga burgu.
Murataj, sëbashku me 8 persona të tjerë akuzohen për dy grabitje me armë në Rinas ku u morën 7 milion euro.
Murataj ka deklaruar sërish se kur ka ndodhur ngjarja ka qenë te dentisti duke paraqitur disa komunikime dhe prova duke kërkuar që ta lirojnë nga burgu. “Më mbani kot në burg, kur ka ndodhur ngjarja isha tek dentisti” u shpreh ai.
Të arrestuar për dy grabitjet janë Fatian Xhyliu, Ditjon Memlika, Neim Avdulaj, Ernest Kupa, Dash Kupa, Aleksandër Murataj, Dritan Sinanaj, si dhe i penduari i bandës Admir Çerpja.
Në kërkim për këtë çështje është Admir Murataj. Ai është personi i dyshuar si organizator i dy grabitjeve të Dhjetorit 2015 dhe 9 Shkurtit 2017
a.ç
