Interi ka bërë ofertë zyrtare në drejtim të Real Madridit për James Rodriguez. Se James Rodriguez do të largohet nga Real Madridi, kjo tashmë është punë e kryer, vetëm mbetet të shihet cili klub do të ketë fatin t’i sigurojë shërbimet e kolumbianit.
E përditshmja spanjolle “AS”, ka bërë të ditur se Interi tashmë ka bërë ofertë zyrtare në drejtim të mesfushorit të Real Madridit, James Rodriguez, e cila besohet të jetë 42 milionë euro, transmeton Gazeta Express.
Por, oferta e klubit italian nuk është as afër kërkesave të Real Madridit, të cilët e blen lojtarin për 80 milionë euro në vitin 2014 nga Monaco.
James ka bërë 32 paraqitje këtë sezon për Realin, duke shënuar 11 gola, tetë prej tyre në La Liga.
Për Jamesin është duke u interesuar edhe Manchester Unitedi, përgatiti ”Express”. (b.an)
