Një operacion i policisë franceze i shtrirë në qytetet Annecy dhe Lyon ka përfunduar me sekuestrimin e 3 kg heroine dhe kokaine si dhe një shume të hollash prej 43 mijë euro.
Në prangat e policisë ka rënë koka i trafikut të drogës një 35-vjeçar shqiptar, i cili dyshohet se kishte krijuar një rrjet prej 10 individësh për shpërndarjen e lëndëve narkotike.
Krahas kapos shqiptar, në prangat e policisë kanë rënë edhe gjashtë persona të tjerë, të gjithë shqiptarë dhe të moshës nga 20 deri në 40 vjeç. Arrestimet nisën katër ditë më parë, ku u sekuestruan 500 gram heroinë e pastër, 1.2 kg heroinë e presuar, 1 kg kokainë, 6.5 kg kanabis, 43 000 euro para të gatshme, si dhe një automjet.
Dy prej të arrestuarve sipas mediave franceze ishin edhe vjedhës të cilët kanë kryer 20 grabitje. Ndërkaq, mësohet se një prej të arrestuarve ka qenë ushtarak në Shqipëri, por identiteti i tij nuk bëhet i ditur për shkak të hetimeve.
ma.me
