Me mot kryesisht të kthjellët paraqiten zonat Jugore dhe Qendrore të vendit ndërsa vranësira kalimtare do të ketë në zonat veriore. Në mesditë pritet një shtim i vranësirave në zonat veriore por vranësira të herë pas hershme do të shfaqen edhe në Qendër dhe Jug të vendit.
Pasditja dhe orët e natës do të vijojnë në kushtet e kthjellimeve dhe vranësirave kalimtare në pjesën më të madhe të vendit, më të dukshme vranësirat do të jenë në zonat malore.
Sipas MeteoAlb, temperaturat e ajrit do të pësojnë një tjetër rritje të lehtë në rang vendi, duke bërë që vlerat ekstremale të luhaten nga -4 në 19 gradë celcius. Era do të fryjë mesatare në tokë dhe det, duke arritur shpejtësi deri 27 km/h nga drejtimi permanent verior, për pasojë në det do të gjenerohet dallgëzim 2 ballë.
Europa
Ndikimi i masava ajrore të qëndrueshme, me origjinë kontinentale do të diktojnë kushte të motit të kthjellët në pjesën më të madhe e Europës, pellgun e Mesdheut dhe gadishullin Ballkanik.
Por krejt ndryshe paraqitet situata meteorologjike në rajonin e Balltikut ku do të ketë reshje dëbore gjatë gjithë ditës. Po ashtu, me vranësira dhe shira të dobët paraqiten kushtet e motit në Jug të ishujve Britanikë dhe brigjet veriperëndimore të Europës./noa/a.k
