Ka mbërritur në selinë e PD, zëvendës ambasadorja e SHBA në Shqipëri.
Zv/ambasadorja Leyla Moses-Ones do takohet me kryetarin e PD, Lulzim Bashën.
Takimi vjen pesë ditë para zgjedhjeve, dhe pas qëndrimit të opozitës për të vazhduar aksionin.
Një ditë më parë, opozita e bashkuar tha se do të përballet në çdo cep të vendit për të penguar zhvillimet e zgjedhjeve.
Ambasada e SHBA ka deklaruar vazhdimisht se nuk duhet penguar e drejta e njerëzve për të votuar, ndërsa vazhdimisht zyrtarë amerikanë kanë bërë thirrje për shmangien e dhunës gjatë protestave të opozitës.
Ndërkohë në orën 12:00 Basha do zhvillojë një takim edhe me ambasadorin e Be, Luigi Soreca.
Vizita në zyrën e Bashës vjen në kohën e krize politike në vend ku kreu i qeverise shprehet se nuk do te kete ndryshim te dates se zgjedhjeve, ndersa Presidenti i Vendit ka kërkuar shtyrjen e 30 qershorit.
g.kosovari
