Filipinet u goditën këtë të hënë nga një tërmet i fuqishëm me magnitudë 6.3 ballë, duke shkaktuar dëme materiale, ku kanë humbur jetën të paktën 5 persona.
Viktimat thuhet se kanë humbur jetën si pasojë e shembjes së një super marketi..
Ndërkohë, si për të vërtetuar edhe fuqinë e tërmetit, është publikuar edhe një video në rrjetet sociale, e cila ka filmuar momentin e lëkundjes së tokës.
Një qiellgërvishtës në Manila është lëkundur aq fortë sa uji i një pishinë në krye të ndërtesës gjigante është derdhur thuajse i tëri.
Tërmeti u regjistrua në orën 09:11 me atë lokale, ndërsa epiqendra e tij ishte 37 kilometra në veriperëndim të Manila-s.