Ka shfrytëzuar një vizitë tek forcat e armatosura greke në Larisa presidenti grek Pavlopulos, për të sulmuar Shqipërinë dhe çeshtjen çame. Kur dy vendet kanë nisur negociata për normalizimin e marrëdhënieve, duke diskutuar edhe për problemin çam, Pavlopulos ka deklaruar se “shqiptarët më mirë kujtojnë të ashtuquajturit çamë gjatë periudhës së mizorive naziste në Greqi”, shkruan Javanews.
Nëse doni të shihni një akt të pastër shantazhi dhe kërcënimi, lexoni çfarë thotë kreu i shtetit grek për perspektivën e Shqiperise në BE dhe kushtin që ajo të marrë përkrahjen greke. njofton Javanews.
Ja deklarata e tij e plotë, që do ta kishte zili edhe lidershipi i Agimit të Artë:
“Është e pakonceptueshme që udhëheqja e Shqipërisë të ngrejë çështje çame. Përveç faktit se kjo çështje nuk ekziston, është më mirë që Shqipëria të mos kujtojë se çfarë do të thotë historia e të ashtuquajturave çamë gjatë periudhës së mizorive naziste në Greqi, nëse dëshiron të ketë ndonjë perspektivë evropiane. Më vjen keq që jam i drejtëpërdrejtë, por në ditë të tilla si kujtimi i holokaustit ata guxojnë të flasin për camë. Më mirë të mos kujtojmë historinë e atyre që u shfaqën si çamë në hapësirën greke. Respekti për historinë është baza ndërkombëtare për miqësinë dhe fqinjësinë e mirë“- përfundoi Pavlopulos.
Javanews.al
