Teksa pritej një përshkallëzim i protestës së studentëve, pikërisht në orën 16:00 dhjetëra mbështetës të opozitës kanë nisur të protestojnë në disa rrethe.
Në Durrës mësohet se mbështetësit e Partisë Demokratike kanë nisur protestën për taksat dhe kushtet ekonomike.
Ndërkohë që deputetët Jorida Tabaku dhe Klevis Balliu janë shfaqur në krye të protestës së Bulevardit të Ri.
Në Milot ka nisur bllokimi i Rrugës së Kombit, ndërsa në PD e Vlorës me jelekë të verdhë ka nisur bllokimin e aksit me Levanin.
Nga Korça raportohet se disa fermerë kanë hedhur prodhimet bujqësore në tokë, si shenjë proteste për çmimin e naftës.
Çmimi i lartë i karburantit, mungesa e tregut dhe mbështetja për studentët në Tiranë ka ngritur në protestë edhe një grup qytetarët në Fier të mbështetur nga partia Demokratike.
PD në Elbasan ka bllokuar rreth-rrotullimine Bradasheshit.
Gjithashtu, në orën 17:00 pritet edhe dalja e përnatshme e Lulzim Bashës në krah të banorëve protestues në Unazën e Madhe.
Ndërkohë, protesta e studentëve mbetete ende pa një vendim final pavarësisht përfundimit të afatit që i kishin lënë në dispozicion qeverisë për realizimin e kërkesave.
/javanews/a.r
