Një ditë pas ngjarje së rëndë kriminale në Shkodër ku një 60-vjeçar u ekzekutua me armë zjarri në biznesin tij, dalin në dritë detaje të reja.
Mehdi Kavja dyshohet se është ekzekutuar nga vrasës me pagesë. Fillimisht u dyshua se vedkja e tij erdhi për shkak të hemorragjisë nga ndonjë aksident në punë.
Por pas kryerjes së ekspertizës mjeko-ligjore, u zbulua se viktima kishte plagë arme zjarri në kokë. Po ashtu, mjekët konstatuan se ai kishte në brendësi të kokës ende plumbin.
Kavaja u gjet i pajetë në servisin në pronësi të tij ku prej vitesh punonte për riparimin e bravave të automjeteve. Ai u gjet i shtrirë nga një kalimntar i rastit që njoftoi policinë.
Me mbërritjen e ambulancës u konstatua se ai kishte ndërruar jetë. Sipas dyshimeve paraprake, Kavaja u ekzekutua nga një profesionist që ka studiuar zonën.
Pista kryesore e hetimit është ajo e disa konflikteve të vjetra të të afërmve të Mehdi Kavajës. Nuk jepen ende detaje për çfarë konfliktesh bëhet fjalë.
Hetuesit kanë marrë në administrim kamerat e sigurisë në zonë dhe kqyrja e tyre pritet të hedhë më shumë dritë mbi dinamikën e ngfjarjes./a.m.
