KPK konfirmon në detyrë kreun e “Kushtetueses”, Bashkim Dedja

Kreu i Gjykatës Kushtetuese, Bashkim Dedja ka kaluar sot testin e Vettingut dhe Komisioni i Pavarur i Kualifikimit ka vendosur rikonfirmimin e tij në detyrë.

Javën e kaluar, ai u përball me KPK-në dhe sipas hetimit administrativ, Dedja kishte probleme me pasurinë.

Seanca ka nisur siç ishte parashikuar në orën 09:30 dhe kryesuesja e trupës ka deklaruar se me shumicë votash Dedja konfirmohet në detyrë.

Ndërkohë, avokati i tij Maksim Haxhia, në një deklaratë për mediat bëri një kritikë publike për relatoren e KPK-së, Xhensila Pine, pasi sipas tij ajo bëri një koment person dosjes së Dedjas.

Sipas Haxhiajt, relatorja pretendonte se Bashkim Dedja kishte marrë një hua nga vëllai i tij, një shumë prej 15 mijë eurosh, ndërkohë që ky i fundit kishte marrë edhe një kredi. Por sipas avokatit, vëllai i gjykatësit nuk kishte marrë asnjë kredi, ndërsa shtoi se u cënua figura e një prej figurave më të pastra të sistemit të drejtësie.

Po ashtu Haxhia tha se vëllai i Bashkim Dedjas kishte vënë apartamentin e tij si kolateral për nipin e tij.

“Pavarësisht se vendimi ishte në favor të kryetarit të gjykatës, që ishte përfaqësuar nga unë në këtë seancë për rivlerësimin e tre kompetenteve. Ne në radhën e shkuar, në seancë e datës 8, nga ana e relatores u bë një prezantim në kundërtim me ligjin, pasi nuk mund të bëj komente. Nese do ti përmbahemi pozicionit të relatorit, është detyra e saj që të bëjë prezent çka ka dosja. Dhe mbi këtë dosje do bëhej seanca. Relatorja bëri një prezantim duke thënë se ;në kohën kur vëllai i zotit Bashkim i kishte dhënë një hua me vlerën 15 mijë euro, ajo tha se përkonte në kohën kur ai kishte marrë një kredi 40 mijë euro. Ajo tha që si ka mundësi që nj2ë njeri që jep borxh merr edhe kredi. Ndaj ne kemi kërkuar që të verifikohet ky fakt. Ose është një emër dhe mbiemër i njëjtë, ose është një informacion i deformuar i qëllimshëm. E përjashtojmë të dytë, dhe po ngelemi tek e para. Ndaj stafi duhet ti shkojë deri në fund kësaj çështje. KPK duhet të jetë më e kujdesshme dhe të jenë të kualifikuar. Duhet të kenë solemnitetin dhe seriozitetin dhe s’duhet të bëjë komente. Mesur Dedja, apartamentin që e ka blerë 42 mijë euro e ka vënë si kolateral për nipin e vet. Ai ka pasur financa të mira. Nga një rast spoaradik nuk mund të shërbejë për cënim standardi. Duhet të ishin bërë verifikime. Ky është rast sporadik, mua më erdhi keq, pasi u cunua në publik një figurë që është nga më korrektët në sistemin e drejtësisë” – tha Maksim Haxhia.

/javanews/ma.me

S'KA KOMENTE

PËRGJIGJU