Këshilltari i presidentit të SHBA’së, John Bolton, ka thënë se nuk i përket Shteteve të Bashkuara të Amerikës të përfshihen në çështjen e zgjidhjes së problemit ndërmjet Beogradit dhe Prishtinës.
“Nuk i përket SHBA-ve të ndërhyjë në çështjet ndërmjet Kosovës dhe Serbisë”, ka thënë Bolton, raporton Reuters.
Këto deklarime Bolton i ka bërë në një konferencë në Kiev gjatë një takimi me presidentin e Ukrainës, Petar Poroshenko. Institucionet e Serbisë në rast të përfshirjes së SHBA’së në dialog, kanë thënë se edhe Rusia duhet të përfshihet njëkohësisht. E kjo ide është cilësuar si jashtëzakonisht e rrezikshme, dhe është thënë që do të komplikonte edhe më shumë situatën./ma.me
