Ftesa nga Panuçi dhe koha kur Enea Mihaj refuzonte Shqipërinë për Greqinë

Muaj më parë, Eena Mihaj refuzoi çdo ftesë të Shqipërisë, pasi gjykoi se duhej të përfaqësonte Greqinë. Për shtypin grek, kur u pyet se çfarë ndjente për ftesën e Shqipërisë, Mihaj ka thënë këto fjalë:

“Është gjithmonë nder për një futbollist, kur e thërret Kombëtarja. Nuk është objektivi im të promovohem tek ekipi kombëtar A i Shqipërisë. Kam refuzuar thirrjet e fundit nga ekipi Shpresa, pasi kur rritesh i kupton gjërat më mirë, nuk je më aq entuziast për ftesat.

E përsëris, është një nder kur të thërrasin në Kombëtare, por unë ndjehem më mirë, nëse do të kem mundësinë të luaj me kombëtaren e Greqisë. Ky është objektivi im për të ardhmen. A mund të arrijë Shqipëria përsëri në Europian? Mendoj se po, pasi ka lojtarë cilësorë”.

Vërtet, kur rritesh i kupton gjërat më mirë dhe asnjëherë nuk duhet të flasësh para kohe. Muaj më parë Enea Mihaj nuk i kishte kuptuar mirë gjërat, sepse do të ishte ndryshe, sot nuk do të ishte pjesë e Kombëtares së Shqipërisë. Trajneri Panuçi sapo e ka zyrtarizuar në listën e tij.

Futbollistit 20-vjeçar pogradecar, përveçse i duhet të tregojë vlerat e tij me fanellën kuqezi, duhet të shpjegohet edhe për deklaratën e mëparshme, shkruan “Vipsport”

Mundësisht, duke u treguar i sinqertë dhe jo ta kalojë gjithçka me shprehjen “më kanë keqinterpretuar fjalët”. Mihaj luan në qendër të mbrojtjes dhe aktualisht është pjesë e Panotelikos

a.ç

S'KA KOMENTE

PËRGJIGJU