Ish-Prokurori i Përgjithshëm Adriatik Llalla ka depozituar kërkesë për dorëhqjen nga sistemi i drejtësisë. Ai ka njoftuar presidnetin Ilir Meta se heq dorë nga e drejta për të qenë gjyqtar i Apelit, siç parashikohet në ligj për ish-kyeprokurorin.
Ai ka informuar edhe organet e Vettingut lidhur me vendimin e tij, të cilat kanë në ‘sitë’ edhe ish-kryeprokurorin.
Llalla tërhiqet nga e drejta për të qenë gjyqtar i Apelit, por referuar ligjit, tërheqja nga sistemi i Drejtësisë megjithatë nuk e ndërpret rivlerësimin ndaj ish-Kryeprokurorit. Ligji parashikon që një gjë e tillë ndodh vetëm nëse dorëheqja do të realizohej brenda tre muajve pas hyrjes në fuqi të kësaj norme.
Vlen të kujtojmë se shoqatat e gjyqtarëve ju drejtuan Gjykatës Kushtetuese për të shfuqizuar ndër të tjera dhe këtë parashikim, kërkesë e cila u rrëzua. Kjo do të thotë se ish-kryeprokurori tashmë do t’i nëhstrohet Vettingut sipas përcaktimeve ligjore./a.m.
