Kryeministri Edi Rama është ulur për herë të parë në karrigen e drejtuesit të emisionit, dhe përballë tij, në vendin e të ftuarit ka pasur Blendi Fevziun, gazetarin që e ka moderuar prej ditës së parë “Opinionin”.
Të vendosur në sheshin “Nënë Tereza” ku mbahet ceremonia që përkujton 20 vjet Opinion”, kryeministri Rama u vu në rolin e gazetarit dhe përmes pyetjeve të tij u mundua të zbulojë anën njerëzore të Blendi Fevziut, dëshirat dhe pasionet e tij, anën e brendshme përtej gazetarit të talentuar që shohim në ekran.