Gjykata vendos gjykim të shkurtuar për Spiro Kserën

Gjykata e Tiranës ka vendosur që ndaj ish-ministrit Spiro Ksera të ketë gjykim të shkurtuar.

Ndonëse u kërkua i njëjti vendim edhe për Kleves Bitron, trupa gjykuese nuk vendosi të njëjtën masë, duke vendosur që ai të gjykohet me proces normal.

Trupa gjyqësore ishte e përbërë nga gjyqtarët Sokol Pasho, Martin Deda Albert Meçe.

Pas pesë muaj hetimesh ish Ministri i punës në qeverinë Berisha Spiro Ksera, përfundoi në gjykatë si pandehur me akuzën e vjedhjes duke shpërdoruar detyrën.

Veprimet e paligjshme të zyrtarëve i shkaktuan shtetit një dëm prej 30 milion lekë me anë të vjedhjes dhe falsifikimit të dokumenteve.

Së bashku me Kserën në akuzë janë dhe 4 ish-vartës të tij dhe administrator i një kompanie private, ku në bashkëpunim me njëri tjetrin sipas prokurorit Tavani ata krijuan dokumente fiktive për aktivitete të realizuara më parë.

Këto para u morën nga Buxheti i shtetit por vetë Ksera i cili kërkoi lirinë në të gjitha shkallët e gjyqësorit mohoi akuzën duke e cilësuar atë si të motivuar politikisht pasi ai është përfaqësuses i minoritetit grek në vendin tonë.

shqiptarja.com/d.i.

S'KA KOMENTE

PËRGJIGJU