Gafa “mbretërore”/ Kur Basha flet për prerje kokash të mbretërve…në Londër!!!

Kryetari i PD-së, Lulzim Basha gjatë qëndrimit në Londër ka zhvilluar një takim me Komunitetin Shqiptar që jeton në Mbretërinë e Bashkuar. Dhe pikërisht në kryeqytetin britanik, Lulzim Basha duket se ka marrë si shembull diçka që në Britani as e përmendin fare me gojë: prerjen e kokës së mbretit!

“Për demokraci janë këputur koka mbreterish dhe këtu në Londër e dini më mirë se kushdo. Sa herë që monarku futet në parlament për të mbajtur fjalën e saj, i përplaset dera e dhomës së komuneve në fytyrë, për t’i kujtuar në mënyrë simbolike se ai nuk mund të ketë çdo pushtet në dore, garancia për drejtesinë që funksion për të gjithë njësoj nëse janë aristokratë apo refugjatë. Ligji eshte i barabartë për të gjithë. Prandaj, shqiptarët ia dalin të ndërtojnë në një kohë të shkurtër jetë shumë më të mirë në Angli se në shtëpi. Një qeveri që punon kundër qytetarëve bie. Ky është kufiri që ndan lirinë nga tirania, ku qeveria ka frikë popullin, opinionin publik.

Ndersa në Shqipëri është frika dhe terrori si mënyrë synimi. Baza e kësaj janë zgjedhjet e lira dhe të ndershme. Pa pasur një parlament që është peng i votës së lirë jo i kriminelëve, nuk ka zhvillim ekonomik, mundësi të barabarta për të gjithë.”-tha Basha.

S'KA KOMENTE

PËRGJIGJU