Tragjedi në qytetin e Tepelenës. Një grua 35 vjeçare së bashku me foshnjën e saj 6 muajshe janë djegur të gjalla, pasi në banesën e tyre ka rënë një zjarr i fuqishëm. Në vendngjarje kanë mbërritur tashmë forcat zjarrëfikëse të Gjirokastrës, për të bërë të mundur shuarjen e zjarrit.
Dyshimet paraprake për shkaktimin e zjarrit janë për një rrjedhje gazi, por ende nuk dihet me saktësi se çfarë e ka shkaktuar zjarrin në banesën e të resë.
Informacion paraprak i policisë
Në lagjen “15 Shtatori”, Tepelenë, në katin e parë të pallatit, në banesën e shtetasit G.Sh, ka rënë zjarr.
Si pasojë e zjarrit
kanë gjetur vdekjen gruaja e tij shtetasia E.Sh, 35 vjeçe si dhe djali 6 muajsh.
Në vendngjarje kanë shkuar shërbimet e policisë dhe shërbimi zjarëfikës.
Punohet për zbardhjen e shkaqeve të rënies së zjarrit./java/a.k
