“Bindja Demokratike” gati për zgjedhjet e 30 qershorit, cilët janë ish-demokratët pjesë e bordit

Pas dorëzimit në Gjykatën e Tiranës të gjithë dokumentacionit për regjistrimin si parti politike, shoqëruar me rreth 4 mijë firma mbështetësish për krijimin e saj, Bindja Demokratike në një njoftim për mediat bën me dije se do të të regjistrohet për Zgjedhjet e 30 Qershorit si një parti opozitare.

Fabian Topollaj dorëzoi në KQZ edhe regjistrimin e kësaj force politike për të marrë pjesë në zgjedhjet e 30 qershorit.

Kujtojmë se sot është afati i fundit i vendosur nga KQZ për regjistrimin e partive politike në zgjedhjet lokale.

Njoftimi i plotë i Bindjes Demokratike
Shqipëria do të ketë prej sot një parti opozitare më shumë.

Bindja Demokratike dorëzoi paradite në gjykatën e Tiranës të gjithë dokumentacionin e regjistrimit si parti politike, shoqëruar me rreth 4 mijë firma mbështetësish për krijimin e saj.

Vendimi erdhi pas takimit të një grupi të madh nismëtarësh mbrëmjen e kaluar, ku u përcaktuan edhe hapat e para të kësaj organizate politike në rrugëtimin e saj. Nismëtarët vendosën të mandatojnë një bord të përkohshëm, i cili do të përfaqësojë partinë deri në ngritjen dhe zgjedhjen e forumeve drejtuese të saj, sipas statutit.

Anëtarë të këtij bordi do të jenë:
Arben Skënderi, Valbona Mezini, Fabian Topollaj, Astrit Patozi, Andi Përmeti dhe Leonard Olli, ndërsa koordinator i tij Astrit Patozi.

Po sot Bindja Demokratike dorëzoi në Komisionin Qëndror të Zgjedhjeve kërkesën për pjesëmarrje si subjekt politik në zgjedhjet vendore të 30 qershorit./tch

g.kosovari

S'KA KOMENTE

PËRGJIGJU