Albin Kurti në Reçak: NATO-ja duhej ta parandalonte Srebrenicën e radhës

Në 19-të vjetorin e përkujtimit për masakrën e Reçakut, i pranishëm ishte edhe kandidati për kryetar të Lëvizjes Vetëvendosje, Albin Kurti. Ka thënë se me vrasjet që ndodhën në janarin e vitit 1999, e gjithë bota ishte alarmuar.

Kurti ka thënë se NATO-ja duhej të ndërhynte për të parandaluar Srebrenicën e radhës e jo për të ndëshkuar pasi ajo të ketë ndodhur.

 

Postimi i Kurtit në Facebook:

Gjaku i dëshmorëve dhe martirëve nuk humbet kurse emri i tyre nuk harrohet kurrë. Ende i kemi të freskëta kujtimet nga janari i ftohtë i vitit 1999. U vranë 45 civilë shqiptarë por edhe 11 ushtarë të UÇK-së të cilët po i mbronin kufomat që të mos rrëmbeheshin nga forcat serbe. E gjithë Kosova ishte tronditur kurse bota demokratike u pat alarmuar. Këtë herë NATO-ja duhej të ndërhynte për të parandaluar Srebrenicën e radhës e jo për të ndëshkuar pasi ajo të ketë ndodhur. Masakra e Reçakut ishte vendimtare për bombardimet e NATO-s kundër Jugosllavisë së Milosheviqit. Sot, të gjithë ndajmë dhembjen e pikëllimin me familjarët të cilët humbën më të dashurit e tyre që populli të fitojë lirinë, përgatiti Koha. (b.an)

S'KA KOMENTE

PËRGJIGJU