Ronaldo po i kthehet Realit në momentin e duhur

Rikthimi i yllit portugez, Cristiano Ronaldo, te Real Madridi nuk ka mundur të vijë në kohë më të përshtatshme, pasi skuadra madrilene po ka telashe të gjejë golin së fundi.

Portugezi do të kthehet të mërkurën mbrëma në ndeshjen e Ligës së Kampionëve që Reali e luan kundër APOEL Nikozias.

Ronaldo ka munguar katër ndeshjet e fundit të Real Madridit, për shkak të suspendimit prej pesë ndeshjeve që mori për shtyrje të referit në ndeshjen e parë të Superkupës së Spanjës kundër Barcelonës, shkruan Reuters, transmeton “Koha Ditore”.

Ai ka edhe një ndeshje suspendim për të vuajtur në kampionat vendor, por ka të drejtë loje kundër skuadrës qipriote APOEL, ndërsa Reali nis mbrojtjen e titullit në Ligën e Kampionëve.

Pezullimi i gjatë ka ndaluar Ronaldon që të luajë si titullar në një ndeshje zyrtare këtë sezon dhe kthimi i tij është duke ardhur në momentin kur Realit po i duhet më së tepërmi.

Skuadra e Zinedine Zidanit ka përjetuar një start zhgënjyes në La Liga, duke barazuar në dy ndeshjet e fundit me Valencian dhe Levanten dhe pas tri xhirove është katër pikë prapa liderëve Barcelona dhe Real Sociedad… (b.an)

S'KA KOMENTE

PËRGJIGJU