Receta gatimi/ Ja si përgatitet majoneza

Receta gatimi/ Ja si përgatitet majoneza

Çdokush bën gabime ndërsa gatuan. Përshembull, mund të gatuajmë më shumë se sa duhet kërpudhat ose të pjekim tepër drithërat ose erëzat. Më poshtë, redaktori i ushqimit Rick Martinez rrëfen si mund të bëjmë në shtëpi majonezë (me apo pa hudhër) si dhe gabimet që duhet të shmangim.

Cila është diferenca ndërmjet majonezës dhe aioli-t (majonezë me hudhër) ?
Majoneza, siç thotë Larousse Gastronomique, është “një salcë e ftohtë e përzier që konsiston në përzierjen bashkë të të verdhave të vezëve dhe vajit. Aioli është një salcë e përzier që duhet të përmbajë hudhër dhe vaj ulliri. Vetë emri aioli do të thotë “vaj dhe hudhër” në gjuhën katalane dhe provençale (që flitet në rajonin e Katalonjës, në Andorra, në Ishujt Balearik dhe në disa pjesë në Jug të Francës). Nëse flasim në mënyrë teknike, majoneza mund të jetë aioli, nëse ka hudhër dhe vaj ulliri dhe aioli mund të jetë majonezë, nëse ka të verdhë veze.

Më poshtë po iu tregojmë teknikën se si mund të përgatisni edhe majonezë edhe aioli. Ndërkohë, janë tre teknikat e bërjes së majonezës dhe aiolit.
1. Metoda e mikserit që rri në vend. Tasi më i sigurt është ai që qëndron në mikserin tuaj të palëvizshëm. Thjesht ndizni motorrin dhe filloni të përzieni.
2. Metoda e peshqirit të lagur dhe e tenxheres. Opsioni më i mirë është të vendosim një peshqir të lagur mbi banak dhe të vendosim një tenxhere të vogël mbi të dhe më pas ta mbulojmë tenxheren me një peshqir të dytë. Vendosni tasin tuaj brenda tenxheres dhe filloni ta përzieni.
3. Përkulja. Metoda e fundit është më pak e sigurta por është megjithatë interesante. Duke përdorur trupin tuaj, shtypni tasin nën buzën e banakut për të mbajtur tasin në vend.

Forma e tasit dhe përzierja janë shumë të rëndësishme për të bërë majonezë të mirë. Ju keni nevojë për një tas të gjerë me anë, të cilët anohen mprehtë dhe ka fund të sheshtë.
Më pas, përzieni përbërësit. Për shkak se vaji dhe uji qëndrojnë veçmas nga njëri-tjetri, keni nevojë për një produkt tjetër përzierës, si e verdha e vezës, që përbërësit e majonezës të mos ndahen.
Qëllimi është që të rrahim mirë përzierësit, në mënyrë që të lidhen mirë me njëri-tjetrin. Përziejini fort dhe mirë.

Për majonezën përzieni dy të verdha veze, 4 lugë çaji lëng limoni të freskët, 1 lugë çaji mustardë Dijon, ¾ lugë çaji kripë kokërr dhe pak piper të kuq nga speci djegës (nëse doni një majonezë pikante) në një tas mesatar derisa produktet të kombinohen mirë. Përzierja duhet të jetë kremoze. Përziejini vazhdimisht, shtoni 1 filxhan vaj vegjetal, duke e hedhur pak nga pak derisa përzierja të përziehet mirë dhe të ntrashet.  Mos e shtoni vajin shumë shpejt ose majoneza do të prishet dhe vaji do të ndahet veçmas. Përziejini derisa i gjithë vaji të jetë bërë njësh me përzierjen dhe majoneza të jetë e ashpër aq sa duhet dhe të ruajë formën. Sezonojeni me kripë shtesë dhe lëng limoni për shije dhe shërbejeni.
Për aioli, përzieni të verdhën e vezës, një thelpi hudhër të grirë hollë, 1 lugë çaji lëng limoni, ½ lugë çaji lëkurë limoni të grirë imët dhe ½ lugë çaji kripë kokërr në një tas mesatar derisa të përziehen plotësisht. Përzierja duhet të jetë kremoze. Përziejini vazhdimisht. Shtoni ½ filxhan vaj ulliri të butë pak e nga pak derisa përzierja të përziehet mirë dhe të ntrashet. Edhe këto mos e shtoni vajin shpejt dhe pasi aioli të marrë formën, sezonojeni me kripë për shije dhe shërbejeni./Shije.al

S'KA KOMENTE

PËRGJIGJU