Paloka: Xhafaj po prish provat kundër vëllait

Nënkryetari i Partisë Demokratike Edi Paloka ka akuzuar Ministrin e Brendshëm Fatmir Xhafaj se po fshihet pas karriges së ministrit, duke iu shmangur përgjegjësive ligjore sipas tij për mbrojtjen që i bën vëllait.

Paloka shkruan në rrjetet sociale se duke qëndruar Xhafaj në krye të Ministrisë së Brendshme, prishen provat kundër vëllait të tij.

REAGIMI I PALOKËS
Pse hesht Ministri i Brendshëm?
Fatmir Xhafaj duhet të jetë rasti i vetëm në botë që kapet në flagrancë duke shkelur ligjin dhe fshihet pas karriges së Ministrit të Brendshëm.
Kanë kaluar më shumë se 24 orë që kur shqiptarët panë sesi vëllai i Ministrit të Brendshëm kapet në pazare droge, por Fatmir Xhafaj bën sikur nuk ka ndodhur asgjë.
Fatmir Xhafaj duhet të largohet një orë e më parë.
Çdo orë në zyrën e Ministrit të Brendshëm:
1. Prish provat e lidhjeve të të vëllait me trafikun e drogës
2. Pengon hetimin e të vëllait për trafik droge
3. Pengon arrestimin e tij për vuajtjen e dënimit me 7 vjet e dy muaj burg.
4. Pengon zbatimin e ligjit antimafia./a.m.

S'KA KOMENTE

PËRGJIGJU