Ndryshimet/ Top Channel forcon politikën, largon Adi Krastën

Sezoni i ri e gjen Top Channel me surpriza. Duket se televizioni me i madh ne vend po forcon strukturen e tij programore. I nisur qe ne origjine si nje televizion gjeneralist i modelit italian, me nje linje te forte editoriale dhe informative nga e hena ne te premte ne “prime time” dhe me argetimin ne mbremjen e dyte dhe fundjave, duket se Top Channel gjithashtu po stabilizon kete tendence edhe kete sezon.

Emisioni Top Story i Sokol Balles, ne ekran per vitin e 12 dhe me takim te dyfishte prej dy sezonesh, tashme vjen me nje format te eksperimentuar me sukses gjate zgjedhjeve. Nga e hena ne te enjte, kater here ne jave, Top Story vjen me format amerikan 60 minuta. Emisioni do te zgjeroje gamen tradicionale qe ka qene e fokusuar kryesisht tek politika, te te gjitha zhvillimet kryesore te dites.

Kjo forcon “prime time” ne Top Channel, qe eshte edhe fasha me e ndjekur ne vend, me edicionin qendror te lajmeve te ores 19.30, emisionin e suksesshem Fiks Fare dhe ne ora 21 me Top Story.

Nga burime brenda televizionit me te madh e me te ndjekur ne vend, kjo do te sjelle nje afrim ne orare edhe te programeve te tjera te rendesishme ne TCH qe do te nisin ne oren 22.15. Keshtu te henen rikthehet ne kete orar Procesi Sportiv, te marten me “100 milione”, te merkuren me Top Show, duke lene te enjten nje hapesire me te bollshme per programe argetuese pas Top Story. Televizioni duket po pergatitet per nje tjeter emision me natyre informative fiks ne mesnate, por emri dhe formati mbeten ende surprize. Por tradita e ketij televizioni me kete natyre programi si dikur ora zero, premtojne paraprakisht suksesin.
Televizioni po pergatitet te nise nje supersezon edhe ne showbiz, me emisione si “The voice of kids” apo emisioni i rilindur Top Culture, “Dua te te bej te lumtur”, The Voice, Big Brother vip dhe surpriza te tjera, perfshire edhe nje spektakel te ri drejtuar nga Luana Vjollca.
Menaxhmenti i ri i televizionit qe tashme drejtohet nga Vjollca Hoxha edhe me cilesine e pronares se plote, ka vendosur qe televizioni ti pergjigjet zhvillimeve te kohes. Qe nje program te jetoje ne ekran duhet te kete audience, por njekoheissht edhe nje balance te drejte mes shpenzimeve dhe prurjeve ne reklama.
Kjo shpjegon mesa duket reformimin e programeve diten e diel. Nderkohe qe “Portokalli” eshte i padiskutueshem ne sukses audience dhe marketing, televizioni ka konfirmuar edhe kete sezon Formula 1.
Por per keto arsye duket ka bere divorcin me Adi Krasten, i cili sipas burimeve nuk do te jete me ne ekranin e TCH. Reformim te thelle do te kete edhe emisioni “E diell”, si dhe fasha orare qe ai dikur mbulonte.

 

E sigurt eshte qe Top Channel i cili nuk eshte me i vetmi i suksesshem ne tregun mediatik po operon me shpejtesi per te konsoliduar ate qe e ka prej kohesh: Vendin e pare ne telekomanden e shqiptareve.

S'KA KOMENTE

PËRGJIGJU