Ndal Policia! Asnjë lëvizje! Dëshmitë e papublikuara se si u vranë policët nga Dritan Dajtin

Dëshmia 1- Oficeri i njësisë operacionale speciale që mori pjesë në arrestimin e Dritan Dajtit:

“…ishim afër pistës Iliria  dhe na u dha urdhër në radio që të ndërhyjmë, çka nënkuptonte të arrestonim. Pas makinës së “TUAREGUT” të ndaluar afër kryqëzimit kishin zbritur tre vetë.

Zbritëm dhe thamë: Ndal Policia! Asnjë lëvizje!

Tre nga ne u nisën drejt atyre të treve që po qëndronin jashtë makinës. Rrëzova përtokë njërin prej tyre dhe dëgjova zërin e Fatos Xhanit që bërtiste “Nda Policia”. Dëgjova krisma armësh, fishkëllima fishekësh dhe bëra pas.

Kur u ktheva për të, ai ishte ngritur dhe po vraponte, i’u hodha sipër.

Në këtë kohë shoh dy këmbë njeriu që kalojnë pranë meje, dëgjova fishkëllima plumbash që më kaluan pranë, ktheva kokën dhe pashë Altin Dizdarin të rrëzuar dhe mendova se i kishte shkrepur atij arma drejt meje.

Më pas mësova se drejt meje kishte qëlluar njeriu që gjendej në “Tuareg”.

Personi që kaloi pas meje ishte rreth 35 vjeç me çantë në krahë, ju vura pas.

Një djalë i vogël që doli në portë i thashë futu brenda jam policia.

Dëgjoja veç të shtëna, krisma dhe zhurma dhe u çorientova nuk dija nga vinin zhurmat.

Një djalë i vogël që u plagos ia dhashë të ëmës.

Në këtë moment e pashë prapë njeriun me centë krahë qafë, ishte shtrirë për tokë.

Shefi më thirri: Petrit, veri prangat se është rrëzuar.

Ngaqë ai bërtiste o Ledi, o Bledi, hajde më ndihmoni .. drejtova armën nga shikonte ai se mos vinin e ndihmonin.

Në këtë moment ai me drejtohet “A me njeh mua”? I them që” Jo”. Ai më thotë: Unë jam Dritan Dajti…

Fillova të kërkoja përforcime. Në këtë çast vjen shefi im dhe më thotë:

“Nuk ka kush na vjen në ndihmë. Janë vrarë të gjithë”

Dëshmia 2- Oficeri në operacionin për arrestimin e Dritan Dajtit:

“Në  këto momente kemi dëgjuar të shtëna armësh, punë disa sekondash dëgjoj një nga vartësit e mi që bërtiste Saimiri.. Saimiri.. kthej kokën dhe e shikoj Saimir Duçkollarin që ishte shtrirë përtokë.

Të shtënat vazhdonin, jam tërhequr pasi armën nuk e kisha të mbushur, të shtënat vinin nga brenda makinës Tuareg.

Pasi u mbrojta në mjetin Reno, dola për të rimarrë pozicion dhe kam parë Altin Dizdarin duke bërë disa hapa mbrapa .. me një njollë të kuqe në gjoks.

Në këtë moment pasi pashë edhe Altinin përtokë, dola nga makina dhe së bashku me një oficer tjetër morëm Altinin dhe Saimirin për në spital.

Ju thashë mjekut “të lutem kujdesu” dhe ai më komunikoi “janë pa jetë”.

I komunikova drejtorit se Altin Dizdari dhe Saimir Duçkollari ishin vrarë, pas 10 minutash në spital sollën të vdekur edhe Fatos Xhanin dhe Kastriot Feskaj”

Ky material është bazuar mbi dëshmitë e dhëna Prokurorisë, të publikuara më parë emisioni “31 minuta”, RTSH

S'KA KOMENTE

PËRGJIGJU