Almarjo Xhebexhia, nga Shkallnuri, i cili akuzohet se ka mbajtur me forcë në hotel një vajzë nga Ukraina duke e rrahur dhe duke i shkaktuar dëmtime të rënda u lirua nga prokuroria pak orë pas arrestimit të bujshëm të policisë.
Prokuroria e Rrethit gjygjësor Durrës nuk ka nisur procedim penal për 24-vjecarin Almarjo Xhebexhia që policia arrestoi në flagrancë për pengmarrjen dhe dhunimin e 21-vjecares nga Ukraina.
Xhebexhia, nga Shkallnuri, i cili akuzohet se ka mbajtur me forcë në hotel një vajzë nga Ukraina duke e rrahur dhe duke i shkaktuar dëmtime të rënda u lirua në mënyrë të pakuptimte nga Prokuroria, pavarësisht se vajza ukrainase ndodhet në gjëndje të rëndë në spitalin e Durrësit pasi dhunës së ushtruar nga 24-vjecari. E gjendur në këto kushte, policia e durrësit ka shtuar masat e sigurisë për mbrojtjen e 21-vjecares nga ukraina, e cila ndodhet në spitalin e durrësit nën kujdesin ebluzave të bardha pas demtimeve që ka marr në fytyrë dhe pjesë të ndryshme të trupit.
Në këto kushte, rikonfirmohet edhe një herë tjetër “lufta e ftohtë” që Policia e Durrësit dhe prokuroria e qytetit bregdetar kanë nisur prej pak kohësh mes njëra-tjetrës. Brenda pak ditësh, në vend që dy institucionet të bashkëpunonin mes tyre, prokuroria ka liruar dy arrestime të kryera nga policia.. Madja, organi i akuzës pak ditë më parë shkoi edhe më tej teksa arrestoi një ish-shef krimesh pasi kishte “thyer” urdhërin e prokurorit duke mbajtur në arrest një shtetas që prokurori kishte urdhëruar të lirohej.
a.ç
