Majko: Lulzim, kur të flasësh me Ramën nuk e kalon dot këtë vijë të kuqe!

Ministri për Diasporën Pandeli Majko, ka dhënë detaje se çfarë mund të diskutohet në tryezën e dialogut mes qeverisë dhe opozitës, nëse lideri demokrat Lulzim Basha do të pranojë ftesën që i bëri sot kryeministri Edi Rama për tu ulur në bisedime.

Qeveria tranzitore, nuk do të jetë pjesë e diskutimeve, tha Majko, teksa ju përgjigj interesit të gazetarëve, të cilët e pyetën nëse do të pranojë të jetë ai kryeministër i qeverisë tranzitore.

Ftesa është e qartë tha Majko, edhe “në vazhdim për dialog konstant”

Nuk përjashtoi edhe mundësinë që Presidenti Ilir Meta të jetë negociator në këtë dialog të mundshëm për zgjidhjen e krizës.

“Pse mos të negociojë presidenti, kushdo që nxit dialogun është i mirëpritur”, tha Majko duke ju përgjigjur pyetjes së gazetarëve nëse do të pranohej Presidenti Ilir Meta si negociator.

S'KA KOMENTE

PËRGJIGJU