LSDM e thotë sërish: Maqedonia, “peng” i Gruevskit

Bllokimi i Kuvendit nga VMRO-DPMNE dhe nxitja e konflikteve ndëretnike prej Nikolla Gruevskit dërgon drejt kaosit të shtetit dhe se për të parandaluar këtë duhet edhe kontributi i qytetarëve.

Kështu ka vlerësuar Lidhja Social Demokrate e Maqedonisë (LSDM) përmes një deklarate për media të martën. “Meqë bllokimi nga ana e deputetëve të VMRO-DPMNE-së dhe nxitja e provokimeve etnike nga Nikolla Gruevski dhe udhëheqja e VMRO-DPMNE-së shkon në favor të kaosit shtetëror, porosisim se institucionet, partitë politike dhe çdo individ ka për detyrë t’i kundërshtojë dhe të jep kontribut drejt normalizimit të gjendjes”, thuhet në komunikatë, transmeton KP, përgatiti Express.

Partia e Zaevit gjithashtu thekson se “interesat kriminale të Gruevskit dhe familjes së tij nuk guxojnë të mbajnë peng Republikën e Maqedonisë, e cila për tre jave, kur mbaron mandati i kryetarëve dhe këshillave komunal kërcënohet me kaos total të shtetit”. (b.an)

S'KA KOMENTE

PËRGJIGJU