Kush e ka pushtuar Bulevardin?

Nga Myslim Pasha

Në pamje të parë duket se Bulevardin e ka pushtuar” Demos”i.

Sepse arkitekturën e shpifur e kësaj Proteste, e kanë projektuar dy nga modelet më të tragjike që ka pjellë Demokracia Antidemokratike e dy personazheve, Berisha dhe Basha…( I dyti, pjellë arketipike e Berishës ) të dy si përfytyrim tipik të dëshmisë së Krimit.

Ata në emër të Demos-it duke u shmdërruar shpifurisht, përdorin popullin e gënjyer të Antirepublikës së tyre, në këtë skenë aq të shëmtuar të dështimit të përgjithshëm shqiptar.

Kush e ka pushtuar Bulevardin ?

Aty, nën çadër janë fytyra njerëzore që kanë të drejtë të protestojnë, sepse për arësye që dihen në përditshërinë tonë, ia vlen të ndryshohet e të përmirësohet qeverisja. Për të cilët duhet të përcillet respekt. Por duhet thënë se ata janë të gjithë të gënjyer, aq rëndshëm, nga qëllimet, e lidershipit të PD-së, që në kërkim të shpëtimit të tyre vetjak kërkojnë t’i hedhin ata njerëz edhe një herë, si në Vitin e Mbrapshtë, 1997, janë ata që s’kënë menduar kurrë për hallet e popullit por vetëm për shpëtimin e vetvetes së tyre, të kredhur në krim. Ka një ngartërresë shumë të madhe me Lirinë dhe Demokracinë, jo vetëm në atë çadër. Janë ata që kërkojnë Dekrimin e Parlamemtit kur vetë janë në krye të listës së Kriminelëve dhe askush s’u bzan,

Kush e ka pushtuar Bulevardin ?

Dy mbiemërorët “B”- të, janë autorë të një krimi të jashtëzakonshëm Antikombëtar, që historia kurrë nuk do ta harrojë. Ata të dy e “pushtuan “ Detin e Arbërit dhe ia falën për qëllime të mbrapshta Shetit fqinj. Pa folur për integritetin territorial as për dinjitetin Shqiptar, pa folur për çmimin e madh të tragjizmit të kufijëve tanë, shitësit e Detit që të dy, e kanë një firmë të madhe në arkivat e historisë së tradhëtisë.

Kush e ka pushtuar Bulevardin ?

Ja kush janë ata që e kanë pushtuar Bulevardin, pushtuesit e detit. Të dy e përgjakën Bulevardin dhe po në vijim të atij gjaku, kanë ngritur çadrën brenda së cilës është fshehur Krimi i tyre dhe janë ata, që kërkojnë ta përgjakin sërish. Pas tyre, si askund tjetër në botë formacionet e Drejtësisë së Krimit, brenda shtetit kënë ngritur formacionin e madh të mësymjes për të penguar refromën në Drejtësi. Si mund të rrish në çadër e të lirëgjërosh për të risjellë edhe një herë masakrën demokratike , në emër të “demos” _it ?

Kush e ka pushtuar Bulevardin ?

“ Demos”- i që rri në çadër… sa keq ka rëë në këtë kapistër të së keqes së kombit. Drama shqiptare e demokracisë e çapëlyer kësilloj, duhet ta gjej një dritë, një drejtpeshim për të mos e çuar Shqipërinë sërish në kaos. Një pjesë e këtij demos_i e kanë votuar Sali Berishën dhe Lulzim Bashën, për inat të Republikës së Vërtetë, duke u bërë pjesë e rrënimit …dhe ata njerëz në çadër vijojnë të ngrejnë dy gishtat lart ! Ata votuan që të pushtetojnë mbi shqiptarët autorët e krimit antikombëtar, shitësit e detit, të pasurive kombëtare të tjetërsimit të pronës dhe e të groposjes së Drejtësisë e të përgjakjes së Bulevardit.

Dy “B”të, vijojnë të shpalojnë ligjërime për rrëzimin e Republikës së Vjetër, për të ngritur Antirepublikën.

Kush e ka pushtuar Bulevardin ?

S'KA KOMENTE

PËRGJIGJU