Ish-presidenti Alfred Moisiu: Kasta politike duhet goditur, pas hekurave askush prej personaliteteve të mëdha…

Ish -kreu i shtetit Alfred Moisiu eshte per njeë goditje te forte ndaj kastes politike, e cila sipas tij, i do te gjitha.Moisiu tha  për Ora News se politika është përgjegjëse për situatën ku ndodhet Shqipëria.

Ai tha se politikanët tanë  duan që ti kenë të gjitha pushtetet për vetë, njësoj si në kohën e diktaturës. “Ngela një çik i pezmatuar pasi doli përpara Serbia dhe Mali i Zi duke dikur që ne kemi shumë më parpara dhe po mos kishte ndodhur 1997 ne do ishim para Rumanisë dhe Bullgartisë në BE.

Kjo është përgjegjësi e politikanëve dinë të bëjnë vetëm sherr e shamata që shikojnë interesat e tyre dhe shikojnë fare pak interesat e qytetarëve.

Ne do ti nënshtrohemi strategjisë, megjithëse jemi me vonesë jemi seriozë në realizimin e angazhimeve tona dhe vërtet mund të ecim mirë.

Por duhet të bëjë kujdes klasa politike. Është për të ardhur keq kur shikon disa fenomene në parlament. Fenomene që krijojnë situata të paqenë.

Unë them që shyqyr që u gjet një prokurore që po vë në lëvizje prokurorinë. Sepse për fat të keq prokuroria deri tani ka pasur vetëm deklarata. Unë nuk jam që njerëzit të futen në burg, por ata që kanë përgjegjësi duhet të përgjigjen. Ne nuk na e prish stabilitetin as një polic, as një infermier, por ata që e kanë pushtetin në dorë.

Deri tani nuk kemi parë prapa hekurave ndonjë personalitet të madh. Mbi të gjitha është vullneti politik. Sistemi jonë për fat të keq ka qenë nën komandën e politikës,

Ne pavarësisht se themi se rrëzuam komunizmin, mentaliteti është gjallë. Politikanët duan të njëjtën gjë si në kohën e diktaturës, ti kenë në dorë të tëra, ti komandojnë të gjitha.

Kushtetuta është e qartë, i ka ndarë pushtetet dhe kjo është baza e demokracisë. Megjithëse në kushtetutë e kemi të shkruar, kur vjen puna duam që ekzekutivi ti ketë gjitha në dorë”, deklaroi Moisiu.

Moisiu është shprehur se kasta politike duhet goditur, kjo pasi para se të bëjnë punët për së mbari ata mësojnë djallëzitë e punës dhe pushtetit që kanë në dorë.

“Politikanët më parë kanë mësuar djallëzit e pushtetit që kanë në dorë, sesa punët për së mbari.  Prandaj duhet të goditet fort.E ruaj sepse nga natyra jam njeri optimist. Për këtë reformë janë përveshur seriozisht  SHBA dhe BE. Unë kam begraundin ushtarak dhe në na mësonin një gjë “ushtari hapin e mëson në rresht”,- u shpreh Alfred Moisiu. (Oranews)

 

S'KA KOMENTE

PËRGJIGJU