Horoskopi ditor, e Premte 31 Gusht 2018

Dashi

Po afrohen ndryshime mjaft pozitive sa i takon sferës profesionale financiare. Intuita juaj ju fton që të bëni përpara me projekte të reja. Kjo e premte parashikon takime të shkëlqyera edhe në mbrëmje.

Demi

Largësia nga personi që doni ose nga familja ju bën tejet nervoz dhe të acaruar. Kjo e premte do të jetë mjaft e mirë për tu rrethuar nga aleatë të vlefshëm dhe për të bërë negociata vendimtare sa i takon karrierës tuaj profesionale.

Binjakët

Parashikohet një ditë e cila do të jetë e mbushur me negativitet dhe pesimizëm, si në sferën e dashurisë edhe në atë të takimeve. Çfarëdo keqkuptimi, do mund të zgjidhet me më shumë dialog. Këshillohet të jeni ju të parët që të kërkoni ballafaqim.

Gaforrja

Ky është një moment shumë i mirë për të rigjetur veten dhe forcë brenda jush. Kohëve të fundit keni qenë disi të rrëzuar me humor, por tashmë do të merrni përgjigje të cilat do ju lejojnë që të bëni një rikuperim të madh.

Luani

Merrni më shumë kohë për të menduar për veten tuaj dhe shëndetin. Po afrohen mundësi shumë të mira për të rindezur dashurinë dhe ndjenjat, por duhet të jeni më të hapur dhe të gatshëm në raport me të tjerët.

Virgjëresha

Kjo fundjavë është e rëndësishme për të rigjetur kapacitetin brenda vetes. Këshillohet që të lini mënjanë të gjitha zhgënjimet dhe nervozizmin e së kaluarës dhe të merreni me planifikime të reja në punë. Parashikohen fitore të mëdha.

Peshorja

Shmangni sjelljen shumë kontradiktore në vendin e punës. Kjo pasi në këtë moment edhe shpërqendrimi më i vogël mund të shkaktojë tensione dhe pengesa. Në dashuri do të jeni romantik dhe të kujdesshëm.

Akrepi

Kryefjala e ditës është qetësia, por ka disa afate që duhet ti respektoni dhe disa problematika që duhet ti zgjidhni. Megjithatë duhet të udhëhiqeni nga intuita dhe mos u përfshini nga paniku. Në dashuri do të ketë konfirmime të rëndësishme.

Shigjetari

Duhet të shfaqni më shumë forcë dhe kurajo, sidomos sa i takon jetës sentimentale. Do të jeni shumë konfuz, ndaj marrja e vendimeve në këtë moment mund të jetë me rrezik. Bëni kujdes me shpenzimet!

Bricjapi

Kjo e premte është e rëndësishme për të pushuar dhe për të rigjetur të gjithë energjinë e shpenzuar në vendin e punës. Merrni më shumë kohë për të menduar për veten dhe mirëqenien tuaj, pasi kjo ditë do ju gjejë të lodhur. Projektet në çift janë mjaft të favorshme.

Ujori

Kjo ditë këshillon që të përvishni mëngët për të çuar deri në fund disa detyra që ju janë besuar. Tregohuni më të kujdesshëm me shpenzimet dhe sa i takon investimeve të mëdha.

Peshqit

Ka disa çështje të cilat domosdoshmërisht, do të duhet ti zgjidhni vetëm. Jeni shumë krenar dhe për këtë arsye shpesh hezitoni të kërkoni ndihmën e personave që ju qëndrojnë pranë. Megjithatë në këtë moment afrohen përgjigje të mëdha dhe negociata të shkëlqyera. Në sektorin e dashurisë, guxoni më shumë.

S'KA KOMENTE

PËRGJIGJU