Ka marrë fund kalvari i kërkesave të banorëve të fshatit Kutaj, por edhe ambientalistëve për ndalimin e ndërtimit të Hidrocentralit të Poçemit në lumin Vjosës.
Pas disa protestave për ndalimin e ndërtimit të këij HEC-i, beteja për mbrojtjen e lumit Vjosë u zhvendos në gjykatë në muaj dhjetor të 2016-s.
Tre organizata mjedisore në mbrojtje të lumit të Vjosës dhe banorë të prekur nga hidrocentrali i Poçemit paditën të premten Ministrinë e Mjedisit, Ministrinë e Energjetikës dhe Agjencinë Kombëtare të Mjedisit, ndërsa kërkuan që gjykata ta shpallë kontratën të pavlefshme.
Paditësit e konsideruan ndërtimin e hidrocentralit si plan për shkatërrimin e Vjosës dhe kërkuan përmes padisë ‘pezullimin e çdo vendimi apo premtimi për këtë hidrocentral’.
Pas trajtimit të çështjes, trupi gjykues me në krye Avni Sejdin i ka dhënë të drejtë palës paditëse duke pezulluar kështu çdo veprimtari për ndërtimin e HEC-it të Poçemit.
c.a
